Burri që kërcënoi me vdekje Nancy Pelosin, dënohet me më shumë se dy vjet burg në SHBA

20:57 | 14 Dhjetor 2021
L G

Një burrë nga Georgia, i cili udhëtonte me veturë gjersa në dorë mbante një pushkë dhe kërcënoi se do të vriste kryetaren e Dhomës së Përfaqësuesve, Nancy Pelosi, u dënua me 28 muaj burg.

Cleveland Meredith Jr u deklarua fajtor në muajin shtator për dërgimin e komunikimeve kërcënuese, raporton cnn.

Megjithëse humbi tubimin e 6 janarit për shkak të problemeve me veturën, Meredith ishte një nga personat e parë të akuzuar në lidhje me trazirat e Kongresit amerikan pasi nëna e tij e raportoi në FBI më 7 janar.

Agjentët e gjetën Meredith në një hotel një milje larg Capitolit me qindra fishekë, një pistoletë dhe një pushkë sulmi të fshehura në rimorkion e tij.

Meredith është një nga disa të pandehurit për trazirat e Capitolit që kërcënuan ligjvënësit amerikan, por vetëm i dyti që u dënua me akuza të ngjashme.

Ndryshe, bazuar në disa tekst mesazhe telefonike, Trump Jr. i kërkoi Donald Trumpit të ndërhynte në trazirat e Kongresit amerikan të 6 janarit.

Shpërndaje në rrjete sociale

Lajmet më të lexuara

Të ngjashme

Foto lajm